Ai Yawn Rai
Bre Keut Mhawm

1. Khun Mai Laux
2. Aux Ang Mawh Aux
3. Moh Hak Tiex Vax
4. Ot Aux De Max
5. Bre Keut Mhawm
6. Loh Jhawm Maix
7. Paw Kieh Ex Grai
8. Lwan Bawg Yam
9. Nyawm Ot Nyawm Kwe
10. Aux Mai: Sinaw Khang
11. Mhawm Hak Tiex Vax
12. Kieh Teek Pie In

Produced By
Myanmar Wa Golden Mountain Gems Co, Ltd.
Band:
Section Players
Studio:
Myanmar
Mix Engineer - Myat Thu
Harmony:
Ai Pao Nap
Nyi Sin Yawn

Cao Plih Lih
Tax Nyi Pleek (Pang Vai)
Myanmar Wa Golden Mountain Gems Co, Ltd

Ai Yawn Rai
Bre Keut Mhawm
Cao Tiem Lox Leng
Ai Yawn Rai
Sara Toi
Ai Lu Chit


Khun Mai Laux
Tiem - Ai Lu Chit

Yam hu vawg ex nghox khraox son kru naing vax
Bun krih si naw khan kix peeh yaw mai: hu
Ah lox leng mai: hu kiet byaong rhawm ka
Bun krax meung vax mhawn grieang

Yam hu vawg ex nghox khrox son kru naing vax
Si mex kawn vax khan kix viex si vawg hu
Paung shiao mai: hu tix kawn bun meung vax
Byaong rhawm ka lox shiao khun

Cho: [Chorus:] Khun khun aux eu-e laux laux aux eu-e
Kieh rhawm ex mawh son khawm u-ik
Khun mhawm grieang meung vax
Laux mhawm grieng meung vax
Awm pru-ih tai ku ceu meung ex vax

[?]Mhong laux lox sim si lawk awm lox shiao khun
Yaox khun mhawm pru-ih tai ku
Awm mhawm grieang laux - lox shiao paung khun
Mhawm si dawng ku gawng byaong rhawm pieang
Gawng meung vax

[?]Mhong khun lox kawn sim yaw awm lox leng laux
Byaong rhawm daux rhawm rhi khun -ku ngaix ku sawm
Lox leng ah laux mhawm byaong rhawm ku gawng
Kawn pu-i meung vax gaux rhawm


Aux Ang Mawh Aux
Tiem - Ai Yawn Rai

Yuh aux son maix
Aux hoik nhiet lox maix khawm u-ik
Ang doh pon thieng ka maix
Aux ang mawi aux - yuh son maix

Krax im ju aux
Hoik mawh krax thung gau maix aux khawm u-ik
Aux ang tiep tie ka maix
Aux ang mawh aux

Cho: Laux - bre maix keut laux
Aux ang tawng krax yuh maix
Maix hoik lwan hu khing aux laux
Maix nhiet lox aux
Maix cao rhawn ka aux ceei
Lau ju aux........tawng maix

Maix tik vut aux
Aux ang tawing krax keut maix ka son aux
Jhak plak khaix maix ceei laux
Maix jhak ceei laux - keut mhawm


Mhawm Hak Tiex Vax
Tiem - Ai Yawn Rai

Hak tiek vax jhiet mhawm grieng u-ik
Gawng ku gawing hoik pru-i mau khri
Krax haok hwan ex ang pwi pon tiep tie
Hoik mawh pa cox khre si mieang ex vax
Caw ex ti yaog yaw bwan son yu kix

Rawm mai ngu hoik hwet pieang gawang
Krax laux hoik hwet ku gawng lwa
Krax cu ca ex hak tiex vax khawm u-ik
Hoik maw krax thung gau si mieang ex vax
Mawh sak se son pwi ceu ex khawm u-ik

Priex pwi ceu ex ih rhawm pao
Paw ex ah lox gwah khaing pao
Ex jhi pwi yaox krax moh hak tiex vax
Ex kraix khrawm pao hu si vo-e khawm u-ik


Ot Aux De Maix
Tiem - Ai Yawn Rai

Aux mawh bhaong vut viet pieang hak tiex ku dah
Si twe im ju maix pieang hak tiex
Son im ju maix laux aux kham geu mie ding
Maix ang tawng aux ot deh mai maix
Bwan son yu aux ka pieang maix ang kwe ceu
Maix pru-i mhawm grieang ka ju pa tawx aux son maix

Cho: Rieang rao pa tawx au ka maix
Maix lo-e ka tang dah
Bwan son yu aux ka maix kawx grai hu
Aux ang lai chix keut son to-e tix ju maix
Maix keut rhawm tix ceei son ju maix-laux aux


Bre Keut Mhawm
Tiem - Ai Yawn Rai

Caox rhawm aux ka krax keut maix son ju tix
Yiem yo maix kawx - grawng moh aux
Si dah sax maix khyo khaw aux
Rawm ngai maix khyo khaw aux
Si diex gau aux ka maix kawx maix ang nhiet
Cho: Lhu lha maix pieang aux laux moh
Maix bre keut mhawm mhawm
Bre keut mhawm mhawm son maix
Aux ang lai chi cox rhawm tix
Maix bre keut mhawm mhawm son maix
Pieang gawng ngawt tan
Kwe sak se pa yuh aux
Bre maix jhak yao - grawng moh aux
Pu-i mawx pa lut pieang paox tix
Pu-i mawx pa tieh khaing paox tix
Paw maix cawk pa hoik lwan aux ang tawng


Loh Jhawm Maix
Tiem - Ai Yawn Rai

Mhawn grieng maix lox awn tix
Rhawm keut maix ang khaw
Yuh maix naing son ju tix
Lau rhawm aux son maix
Ping nya chi keut maix khan kix
Ang mawh son pwi mawx
Cox rhawm rhi maix son haok hwan ju tix
Cho: Mhong maix lox ah aux lau
Cox rhawm keut maix lau
Yam ah maix ka aux
Lox krai maix hoik khaw
Kaing yuh maix hoik mhawm u-ik
Aux gau rhawm son maix
Cox rhawm rhi maix son ku ceu
Kieh mawh son pwi khawm u-ik
Aux ah lox ghoik ka son ju maix laux

Paw Kieh Ex Grai
Tiem - Ai Yawn Rai

Ex hoik mawh pu-i ting ti ceu
Lox ah ex hoik kwe
Phan ex ang priex lox tix
Grai hu ti ngai sax
Phan ex ang ah lox tix
(Grai lox ah ex sax)3
Ex hoik mawh pu-i ting ti ceu
Lai ah ex hoik kwe
Phan ex ang gau lai vax
Grai lai hu sax
Phan ex ang priex lox tix
(Grai lox lai ex sax)3
Ex hoik mawh pu-i ting ti ceu
Caw ex kwe rhawm vax
Phan ex ang. priex? paox tin
Pu-i mawn kraix khrawn ax
Phan ex ang ih rhawm pox
(Grai ex ti ngai sax)3


Lwan Bawg Yam
Tiem - Ai Yawn Rai

Hoik lwin gwa ax paox
Ka daux krax pa ang chix tiep
Laux aux krax yuh maix mhawm khawm u-ik
Kheu ang maix tawng krax keut aux son maix
Maix lwan hu - aux ang chix tiep tie ka maix laux
Maix hoik lwan hu khaing aux
Mawh kheu ang aux chix
Jhi maix yaox krax pa moh tix
Maix lut keut ka pieng aux khawm u-ik yuh ka
Mawh kawx aux ang teei phi map ka pieang maix
Phan maix tawing krax keut aux son maix
Hoik kiet gaux rhawm aux ka
Aux rawg bawn ka son maix
Son nyawm ot maix ku si ngaix
Paw maix cahwk pu-i lut ka pieng ax
Bawg yam hoik lwan hu khaing ax laux
Rhawm moh aux ka pieang maix
Hoik tik vut aux plak khaix tix
Paw maix sawk aux ka daux ju maix
Niet maix hu khing aux - laux moh aux

Nyawn Ot Nyawm Koe
Tiem - Ai Lu Chit

Paox grawm pa moh ex khawm u-ik
Sau rieng ex ku kaux
Kieh meung ot ex mawh pa mhawm
Yien yawg nyawm tix ot
Gaux rhawm tau mai: been pa mhawm
Mai: kru naing meung vax
Hoik mawh pak peung nyiex yaong vax
Mawh bwan son si mieang
Pa kraix krawm ex pu-i meung vax
Nyawm ot nyawm koe u-ik
Cho: Lawng daux krax mau khri
Pa kiet nyawm si kiet nyawm tix hu
Ang lai kieh ex yaox krax kha rhawm
Deeh nyawm tix hu son ex khawm u-ik
Lawng daux krax ku dah
Son sang yie tix hu son pu-i meung
Krax mhawm krieang hoex meung vax ku dah
Mawh bwan son si mieng meung hak tiex vax


Aux Mai: Si Naw Khang
Tiem - Sa Ra Toi

Yam hwet aux tix vhi meung khang ti bawg
Aux yaox si naw khang pa mhawm grieang ti kaux
Aux si mie tix ah lox moh ka nawh
Vieang mawh nan aux ang tie chih lox khang ti gum
Pa chih aux kwe ngie ti ceu
Rhawm moh ah kix nang phieh saw ra ai
Yam kok nawh aux vhi ka daux nyiex ot tix
Nawh riep aux nyaox plai khaw khang pa kien
Been ot kix mai: krax ot ex awm paox
Yam khre kix aux sawm ka daux nyiex ot tix
Kix ang sawm daux tawg awm ex
Kix tawx aux sawm daux lha mawieh kiet nyawm

Mhawm Hak Tiex Vax
Tiem - Ai Yawn Rai

Hak tiex ot ex vax jhiet mhawm grieang miex ding
Maix hoikyaox plak nhai tix si vo-e u-ik gawing
Lwa mai: rip riem khaox ox jiet mahwm grieang mie
Ding - in hoik mawh sak se pa mhawm son ex vax u-ik
Cho: Vieang pwi ah vax ih moik ka ex mie ding
Hoik mawh pa mhawm grieang ka son ex
Krax haok hwn ex vax mawh min pak ngai ex
Caw ex ti priek ka daux rhawm khawm u-ik
Sau rieang ex yuh kaing ka son haok hwan pwi
Ceu ex mawh bee glawn ex khawn u-ik
Hak tiex ot ex vax hoik yien yawg khawm u-ik
Mawh krax pa gaux rhawm son ex kawn vax cu niet
Lox pwi ting mai: ex ih rhawm paox khawm u-ik
Kieh hak tiex ot ex kaox cong ka daux yien yawg

Kieh Teek Pie In
Tiem - Sai

Laux maix awm tai pru-i pieng khaox
Lox si kah maix awm jhiet mhawm
Rhawm keut maix hoik lhaong khaing gawng
Krax hu maix ang tie si dawng
Puk pak rawm klawng khaix hu laux
Lawng maix krax ang tie si dawing
Lox krai aux ang nyang si dah
Maix niep kieh ah tang krax hu
Hoik mawh son aux laux mhawm grieang
Si yiex ang tie rop ax tau
Hoik dawg kwe si ngaix keh aux
Rawm ngai roik aux ang chi u-ik
Im ju aux son pwi ceu tix
Rhawm aux ang lai kwe pieang maix
Krax keut aux hoik mawh son kix
Kiex krax moh ax mawh pie ding