Ai Yawn Rai Son Maix

A-1. Krax Moh Pa Daux Am.

Daux rhawm keut aux khawn uik ang lai goe
Daux ju aux si ngaix pa mhawm son aux
Hoit lwan hu khaing aux laux
Aux ce krax moh ax ang dud hu khaing paox
Si dawd aux khaix lwan maix daux ju aux

Cho- [Chorus:]
Krax moh ax awm ngie bhaong phlu pieang
Rao ma ti vut sak se pa mhawm son aux ang
aix jhi aux yaox khai tix maix ang rhawn
yaox aux grawng ceu tix kawx krai aux
mhong laux daux rhawm aux daux am ka
krax moh mai laux

Lheu khaing maix aux ang doh pom moh pui
tang kau laux aux doh keut krax yuh maix
ang vha rhawm ka si dwad aux khax hu maix
khaing aux laux moh mai niep kieh aux awt
rawm ngai khaix tix laux

chorus x 2


A-2. Khaix Hu Maix

Chix yang maix aux daux krax pa nu tix keut
ku ceu son im ju tix laux koe bwan son: son
maix son gaux rhawm maix aux hoit kham geu
tix lau ju tom si dah ju tix laux vha rhawm
maix ku ngaix

Chix yu maix aux ang pi awm krax pa moh maix
daux ju daux khwan maix laux bwan son pa
yuh maix si du krax keut maix can pa yuh maix
kix hoit

khaw caw daux krax hu tix mawh krax
mhawm son maix

Cho- [Chorus:]
khaix hu maix aux ang koe dee een rhawm tix
ku si ngaix maix niep prah aux daux grax ang
chix lawng hu

si voe ngai: lawng aux daux
krax ang ch[i]x hoek laux si mih maix yaox
krax moh aux si graong rhawm aux krax yuh
maix laux rhawm aux ang chix vai ceei kawx

v. 1 again

chorus x 2


A-3. Son Maix

Lauh rhawm aux khaix lwan maix khaing aux
laux moh si glaoh rhawm aux ka krax moh
ax ku bawg aux ang keeng ti moh maix - tawng
aux khaix hu maix khaing aux laux- rawm ngai
roik aux - son maix ku bawg mawh son maix

Cho- [Chorus:]
Bawg yam lwan son aux
si ngaix hoit glip son aux
pie lhen maix
krax moh aux maix
tix vut maix hu kawx
aux teei krax yuh maix
aux ang keeing ti moh maix
si dah sax aux ot khaix maix
krax keut maix ki si ngaix
mawh son maix

Lox lai ah aux hoit
mawh son maix laux moh
vieang ang grum naog son
krak hu maix ceei kawx
jhi aux maix yaox grawng
moh tix daux krax
pa ang chi tiep tie
si ngaix lwan hu
ju aux laux kawx mawh son maix

Cho- [Chorus:]
...
krax keut maix ku ngaix
mawh son maix


A-4. Bawg Yam Pa Dawd

Si ngaix dud maix si nax ax - awm aux pui yhot
si nax kix lox krai paox grawm aux khan kix
hoit caw daux si ngaix prah maix aux laux moh

Cho- [Chorus:]
Chu rhawm maix ka grawng tix ang tawng
maix niep kieh aux awm pui ang koe si mu
khaing paox tix chu rhawm maix laux ka
grawng tix aux ang tawng dud si nax ax ka
grawng - pa ang tie koe ceu son ax laux moh

si ngaix moh ax paox kiet dawd - daux ju aux
ang doh pi awm lox krai maix ka aux khan
kix ang khaw caw daux rhawm aux ceei kawx
laux moh grawng pa hoit aux ang lai chix si
toe ju o-ho-ho kieh si nax dud awm ah maix
ka aux khawm uik cu aux lox ah maix ka
aux cu niet aux

A-5. Ot Aux De Maix

Rhawm moh dud aux - aux - aux - ang: doh rhawm
krax pa yuh maix awm camaox aux ka daux pa
vhaik luan singaix pa jiet mhawm son aux - ang:
aux doh yaox ra bawg rawg aux tix ah ka maix -
khaw maix cox rhawn tix son aux

rhawm moh dud aux - aux - aux - vha rhawn
krax pa keut maix hoik mawh pa laux rhawm ka
daux ju aux keut aux krax pa im ju tix - aux ang:
vha rhawm khawm uik krax lawng aux ang:
sidawng krax yuh maix ka aux kied nu

Cho- [Chorus:]
Aux ot krax keut maix son ju tix sax
si dwat maix khaix it tix hoek ka aux
ao aux dex maix ku bawg yam
singaix cox maix ku bawg yam
singaix cox maix rhawm tix
kieh aux ot dex mai: maix


B-1. Grai Hu Maix

Bawg yam vhaik praix pon sawm can sin
uing ieak khan kix to hu mai pai awm pieang
rao ma rieang khix plak pon sawm rhawm
aux hoit hoek tan pak peung maix grai hu
mai pai awm khan kix

Cho- [Chorus:]
Leeing lang sawm aux sawg dee ot maix
grai hu maix daux pai awm khan kix
aux ot ti keut krax pa yuh maix pieang aux
aux ang chi ot khai maix ku ngaix
si dwad aux khaix hu maix
si dwad aux khaix hu maix

Plax pon sawm yam keut aux grawng ku ceu
daux ca maox aux maix hoit lwan hu ot maix
plax dee mawx pan maix pieang kak lhaox
mawx au ang pi awm aix daux krax ang chi
tik (grai hu maix) (rhawm aux hoit hu mai: pai
awm sim uing khan kix si dwad aux khai hu
maix ka daux ju aux laux


B-2: Hoit Lut Aux Laux

Yam phlu bhaong si kiet - ka pieang gawng pa jiet lhaong
tan si mih aux ti yaox bawg yam pa hoit lwan
son aux si dwad aux khaix hu rhawm tix ka
daux dee ot maix aux si mie ceei kawx bawg
yam ang lai krox son aux

Kheu tui aux rhawm dawd ka pieang maix
krax si ngai hoit mawh son ax laux
rhawm dawd hoit pex krax moh aux laux
pa lut aux ang lai chix cox krax
hu aux

Cho- [Chorus:]
si mih aux ti yaox grawng moh ax
hoik mawh krax tawm kat lawm khawm uik
ang ax chi deh dawd kheu koe krax lhaong
tiem son ax bawg yam hoik lwan son aux
laux


B-3. Prah Aux Khaix Maix

Mhong aux lox krai pao nyie maix khan kix
Daux rhawm aux ang nyawm ot ceei kawx
Laux aux moh maix mie ding rhawm yum maix
Ang koe krax ieak rieng aux ang taoh ju aux

Lhaong rhawm keut maix grum naog maix
khaing aux pak peung maix awm pruih tai
khao ku laux laux aux yeen rhawm maix paw
lai keut son aux prah aux khaix lawn hu
maix daux ju aux

Cho- [Chorus:]
Laux aux ot aux khaix maix leeing ju
Laux aux maix paw jhak plak khai tix
Laux aux aux ang doh keeng mai maix
Prah aux khaix maix laux


B-4. Ang Aux Keeng Mai Maix

Maix ang rhawm yaox aux kawx maix ang
rhawm moh aux kawx rhawm keut maix mai
krax pa huy maix hoit mawh son mhawm maix
khawm uik

Maix ang keut son aux ceei kawx laux aux
maix ang mhong lox kok aux maix ceei kawx
rhawm keut aux ang teei maix phit lut
rie ju aux ang keeng mai maix

Cho- [Chorus:]
Lauh ju aux son maix lauh rhawm aux jau
maix pi awm maix krax moh aux maix aux jhi
maix yaox laux maix hoit lwan hu khaing
saux maix ang ot deh aux kawx khwan ju aux
ot deh maix ku ngaix paw maix pi awm daux
ju maix

Khix si ngaix hoit lwan hu mie ding kawx
krax ot ax vieang tang hu miex ding kawx
daux rhawm aux ang chi pi awm maix
prie daux rhawm maix ku si ngaix


B-5. Lih Rhawm Aux Ka Maix

Lih rhawm aux ka maix
khaix hu maix khaing aux
rawm ngai roik aux hoit lwan hu mai: maix
hkix num lwan hu kaw, aux ang chi pi wawm [sic, awm ?]
bawg yam kiet dawd aux ang koe ceu son maix

Cho- [Chorus:]
pi awm maix krax moh aux ka maix
aux jhi maix yaoh krax moh aux ka maix
it maix mhawm nyawm ot ka daux ju maix
aux ot khaix maix leeing ju laux (it maix mhawm)

Son si grah krax ot maix laux
ju pa mhawm hoit tawx aux son maix uik
mie aux maix nyawm ot ku ngaix (ku bawg yam)
aux rawg bwan maix


Cao tiem: Ai Yawn Rai, Bull King Music Band

Cao plih lih - [produced by] Ai Yawn Rai